Informacionet e Kontaktit

Prishtinë, Kosovë

Jemi aktiv 24/7

Shtëpia e Bardhë thotë se presidenti amerikan Joe Biden ka telefonuar homologun e tij ukrainas, Volodymyr Zelensky për të dënuar vendimin e Rusisë për të njohur rajonet separatiste në lindje të vendit.

Biden foli me të “për të rikonfirmuar angazhimin e Shteteve të Bashkuara ndaj sovranitetit dhe integritetit territorial të Ukrainës”, thotë Shtëpia e Bardhë.

Ai gjithashtu i tha presidentit ukrainas se SHBA planifikon të vendosë sanksione dhe tha se do të përgjigjet “me shpejtësi dhe vendosmëri, në hap me aleatët dhe partnerët e saj”, ndaj çdo agresioni të mëtejshëm nga Rusia.

Shtëpia e Bardhë thotë gjithashtu se Biden kishte telefonata me presidentin francez Emmanuel Macron dhe kancelarin gjerman Olaf Scholz për të diskutuar se si të koordinonin përgjigjen e tyre,transmenton mediumi RTV Albania.

Share: