Informacionet e Kontaktit

Prishtinë, Kosovë

Jemi aktiv 24/7

Pas takimit me delegacionin amerikan, presidentja Vjosa Osmani doli në konferencë për media me Ndihmës Sekretarja e Shteteve të Bashkuara të Amerikës për Çështje Evropiane dhe Euroaziatike, Karen Donfried.

Presidentja Osmani tha se në takim i diskutua edhe urgjenca e dialogut me Serbinë.

“Natyrisht që ne sot gjithashtu diskutuam për urgjencën dhe nevojën për progres në procesin e dialogut, gjithnjë të përqëndruar në njohjen reciproke”, tha Osmani.

Presidentja theksoi se në takim ka thënë se Kosova është e përkushtuar në këtë proces.

“E ritheksova se Kosova është dhe vazhdon të jetë palë në dialog dhe se mbesim të përkushtuar ndaj këtij procesi i cili e ka në qendër njohjen reciproke dhe nga i cili do të përfitojnë përfundmisht qytetarët”, tha ajo

Ajo falënderoi zyrtarët amerikanë për vizitën e tyre në Kosovë dhe në Ballkan.

Share: