Informacionet e Kontaktit

Prishtinë, Kosovë

Jemi aktiv 24/7

Presidenti amerikan Donald Trump është shfaqur me një video-mesazh duke u bërë thirrje protestuesve që të largohen nga Kongresi.

Kreu i Shtëpisë së Bardhë, edhe në këtë mesazh drejtuar mbështetësve, përsëriti se zgjedhjet presidenciale janë vjedhur, megjithatë ai u shpreh se është e rëndësishme që të mos ketë asnjë të lënduar.

E di që keni dhimbje, e di që jeni lënduar. Patëm zgjedhje që na u vodhën. Por duhet të shkoni në shtëpi tani, duhet të ruajmë paqen, duhet të kemi rend kushtetues, duhet të respektojmë njerëzit e ligjit. Nuk duam që askush të lëndohet, është një kohë shumë e vështirë. Nuk ka patur asnjëherë kohë të ngjashme si kjo, të ndodhte diçka e tillë. Duhet të kemi paqe, kështu që shkoni në shtëpi. Ju duam, jeni të veçantë, e keni parë se çfarë ka ndodhur. E kuptoj si ndiheni, por shkoni në shtëpi”, tha Trump ndër të tjera.

Më herët, Presidenti i zgjedhur Joe Biden i bëri thirrje Trumpit që të dilte në televizion dhe t’u kërkonte mbështetësve të tij që të largohen nga Capitol Hill.

Protestuesit hynë brenda Kongresit kur po zhvillohej seanca për certifikimin e rezultatit të zgjedhjeve amerikane.

Share:

Leave a Reply

Your email address will not be published.