Informacionet e Kontaktit

Prishtinë, Kosovë

Jemi aktiv 24/7

Ministri i Financave në Qeverinë e Kosovës, Hekuran Murati, është sqaruar lidhur me vendimin e djeshëm për uljen e shtesave të pensioneve.


Përmes një postimi në rrjetin social Facebook, Murati ka thënë se Qeveria e kaluar në kohë fushate kishte marrë vendim që të ndajë nga 30 euro shtesa për muajt janar, shkurt dhe mars,shkruan RTV Albania.

Sipas tij, pas muajit mars e tutje, shtesat ishte paraparë që të ndalen në tërësi.

“Krejt çka do të merrnin pensionistët pa vendimin e djeshëm të qeverisë, do të ishte shuma prej 75 ose 90 eurove, ashtu siç është e planifikuar në buxhetin e vitit 2021, të miratur në Kuvend.  Ministria e Finacave, Punës dhe Transfereve, ka paraparë që për kategoritë e skemave pensionale që marrin nën 100 euro – e këtu ka kategori me 75 euro dhe me 90 euro – të aplikohet një shtesë, asisoj që shuma totale e pensionit me gjithë shtesën të jetë 100 euro.”, ka shkruar Murati në Facebook.

Ndryshe, Qeveria e Kosovës në krye me Albin Kurtin, në mbledhjen e mbajtur dje, mori vendim që të ulë shtesat e pensioneve.

Nga 30 euro shtesë sa kanë marrë mbi pensionin bazë prej 90 euro, pensionistët, tani e tutje do të marrin veç 10 sosh.

Kurse, ndryshe nga 120 euro, në vetëm 100 euro.

Ky është postimi i tij i plotë:

Sqarim lidhur me vendimin e djeshëm për shtesat e ndara për skemat sociale dhe pensionale

Nga pakoja e djeshme prej 20 milionë euro e miratuar në qeveri, pjesa më e madhe e saj, 8.5 milionë euro janë ndarë për të mbështetur skemat e pensioneve që marrin nën 100 euro, si dhe familjet në asistencë sociale.

Sa u përket shtesave për pensionet bazike, qeveria e kaluar në kohë fushate, kishte marrë vendim për të ndarë nga 30 euro për vetëm tre muaj (janar, shkurt dhe mars).

Dhe pas marsit e tutje, shtesat ishte paraparë të ndalen në tërësi.

Me pakon e re, kemi shtuar 8.5 milion euro, aty ku qeveria e kaluar kishte buxhetuar 0 euro shtesa. Pra për muajt prill e tutje, nuk ka pasur shtesa të planifikuara.

Krejt çka do të merrnin pensionistët pa vendimin e djeshëm të qeverisë, do të ishte shuma prej 75 ose 90 eurove, ashtu siç është e planifikuar në buxhetin e vitit 2021, të miratur në Kuvend.

Ministria e Finacave, Punës dhe Transfereve, ka paraparë që për kategoritë e skemave pensionale që marrin nën 100 euro – e këtu ka kategori me 75 euro dhe me 90 euro – të aplikohet një shtesë, asisoj që shuma totale e pensionit me gjithë shtesën të jetë 100 euro.

Këto shtesa do të vazhdojnë përgjatë tërë vitit, njësoj sikurse mbështetja për përfituesit e asistencës sociale.

Share: