Informacionet e Kontaktit

Prishtinë, Kosovë

Jemi aktiv 24/7

Presidenti i Serbisë, Aleksandër Vuçiq, ka reaguar ndaj deklaratave të kryeministrit Albin Kurti, se në Kosovë nuk mund të ketë asociacion një-etnik. Në një konferencë për media pas takimit me një delegacion të Republikës Serbe, Vuçiq tha se Kurti “po shantazhon”.

“Fakti që Albin Kurti po na shantazhon, unë do ta trajtoj atë si çdo përfaqësues të ‘institucioneve të përkohshme’. Nëse nuk i pëlqen kjo, atëherë le të provoj të bëjë diçka. Nuk do ta këshilloja”, tha Vuçiq.

Tutje, Vuçiq komentoi edhe deklaratat se Serbisë po i bëhet presion nga ndërkombëtarët për njohjen e Kosovës.

“Kur kam qenë në Shtëpi të Bardhë nuk e kam nënshkruar njohjen. Njerëzit nuk kanë pse të shqetësohen për këto gjëra. E jona është të flasim. Nëse Kurti mendon se nuk do të flasë për asociacionin, atëherë s’ka pse të vijë në takim” , tha Vuçiq.

Kujtojmë, Kurti dje tha se është e rëndësishme që në marrëveshje të integrohen të gjithë qytetarët, pa dallim etnie.

Share: